Інтэлектуальныя гульні са школьнікамі прайшлі ў Беразіно
Участие учащихся Государственного учреждения образования "Средняя школа №2 г.Березино" в интеллектуальных играх
УВАГА!
Месца дзеяння – Інтэлектуальны цэнтр аддзела адукацыі, спорта і турызму Бярэзінскага райвыканкама.
Дата дзеяння – 25 лістапада.
Мэта дзеяння – звярнуць увагу моладзі на небяспечнасць для жыцця звычкі пакурыць.
Вынік: выдатны!
У рамках трэцяга этапа акцыі “Не прапальвай сваё жыццё!” па ініцыятыве бярэзінскіх ратавальнікаў прайшлі інтэлектуальныя гульні сярод падлеткаў. Клубы “разумнікаў” з усіх школ горада Беразіно сабраліся ў адной зале, каб “памерацца розумам”, а найперш – каб упэўніцца: курэнне – звычка шкодная не толькі для здароўя і кашалька, але і для жыцця! Пачалося мерапрыества з выступлення клуба юных ратавальнікаў “Сірэна”: актывісты клуба расказалі, як курэнне прыйшло да славян, прывялі несуцяшальныя лічбы статыстыкі пра шкоду курэння. Выступілі перад камандамі і заядлыя курцы-піраты, і нахабны Бранхіт, i доктар, і школьнікі, якія не ведалі, чым заняць сябе на перапынку.
Сама гульня складалася з трох блокаў: першы – “Медыабуквар” – для размінкі, другі – “Што? Дзе? Калі?” – самы складаны блок, пытанні тут патрабавалі лагічнасці мыслення, трэці – “Збяры слова” – змяшчаў заданні рознай ступені складанасці. Ва ўсіх этапах безумоўным пераможцам прызнаная каманда “3+4” з ДУА “Сярэдняя школа №2 г.Беразіно”. Напрыканцы ўсе дзеці атрымалі салодкія падарункі, брашуры “Дапамога побач” і магніты “Небяспечнасць піратэхнікі”.
Безумоўна, інтэлектуальная гульня не ставіла мэтай вызначыць найлепшых з нашых разумнікаў. Галоўная задача – звярнуць увагу дзяцей на небяспеку, што нясе курэнне, і падштурхнуць іх да рашэння: курэнню – не!
