Березинский РОЧС информирует: Начны пажар у весцы Чырвоны Бераг
Начны пажар у весцы Чырвоны Бераг
Ноччу 3 лютага ў раённую службу ратавання паступіў трывожны сігнал ад жыхароў вескі Чырвоны Бераг Паплаўскага сельсавета. Людзі прачнуліся сярод ночы і ўбачылі замест суседскага двухпавярховага дома літаральна факел. Як высветліліся, гаспадары пакінулі свой дом за паўсутак да здарэння і з’ехалі ў Мінск. Прычыну, што прывяла да пажару, высветліць следства. Як адна з верагодных прычын разглядаецца парушэнне правілаў карыстання электрапрыборамі, не выключаецца і версія падпалу. Незалежна ад вынікаў расследавання дадзенага пажару, нагадваем усім домаўладальнікам пра асноўныя меры пажарнай бяспекі: не курыце ў доме, адрамантуйце печы, не пакідайце ўключаныя электрапрыборы без нагляду. Усталяванне ў доме пажарнага апавяшчальніка з вялізнай доляй верагоднасці выратуе ваша жыцце: пры нават невялікім задымленні прыбор пачынае сігналіць, тым самым ён будзіць людзей і дае ім магчымасць пакінуць дом ці самастойна патушыць узгаранне. Пры пажары неадкладна званіце па нумары 101 альбо 112.
Вольга Данэйка, інспектар прапаганды Бярэзінскага РАНС
