Березинский РОЧС информирует: Бяда ў аграгарадку Пагост
Бяда ў аграгарадку Пагост
Раніцай 10 лютага ў Пагосце пачаўся пажар у жылым доме. Ратавальнікі, што аператыўна прыбылі да месца здарэння, убачылі ахоплены агнем дом. Пасля ліквідацыі пажару былі знойдзены целы двух чалавек – маці і дачкі, пенсіянерак. Прычына пажару высвятляецца.
Ратавальнікі нагадваюць пра неабходнасць пільна сачыць за станам печаў, электрасетак. Асабліва зараз, калі на вуліцы ўсталявалася марознае надвор’е. Не перанакальвайце печы, сачыце за станам коміну. Пры з’яўленні расколін неадкладна замазвайце іх. Не пакідайце пастаянна ўключанымі электрапрыборы, выключэнне – халадзільнік. Рэкамендацыя набыць дзеля ўласнай бяспекі аўтаномны пажарны апавяшчальнік – не менш важная: рэагуючы на дым, гэты прыбор падае гукавы сігнал, будзіць чалавека і дае яму такім чынам рэальны шанец на выратаванне пры пажары.
Пільна сачыце за выкананнем правілаў пажарнай бяспекі. Гэта выратуе вашу сям’ю і маёмасць ад агню. Пры любой надзвычайнай сітуацыі неадкладна званіце па нумары 101 альбо 112.
Вольга Данэйка, інспектар прапаганды Бярэзінскага РАНС
